消費即享全單 82 折優惠！

購物滿 HKD 600.00即享免運費優惠！（適用於 本地送貨 )

花花公子 FAFAKUNGCHI

【自家製】得閒飲茶Tote Bag

數量

簡介

+ • Size: 39 cm (H) x 34 cm (W) • Made in Hong Kong ********************** 對於你哋黎講，咩嘢先係叫做香港文化呢？可以喺食物、工藝、建築當中搵到；但對公子黎講，文字同語言先係文化嘅根。 「得閒飲茶啦！」 「得閒飲茶」呢四個字，我喺小學嘅時候已經成日聽到爸爸媽媽講。好多時佢哋同街坊老友閒談完，都會以「得閒飲茶」作結。當然，好多時呢句說話都只係為左結束對話而隨口講嘅。 飲茶嘅意義 飲茶呢個活動可以連結唔同身份、唔同年代嘅人。飲茶，一定要一班人去飲。點心一籠、茶一壺，大家都可以一同分享，茶樓所記載嘅唔止係食物同環境咁簡單。當茶餐廳、西餐廳都可以被取代嘅時候，茶樓係一個好難會消失嘅地方，喺每個屋邨每個商場總會搵到一間茶樓。 文化傳承 年輕嘅我哋，所承載嘅文化同認知都係由上一代傳授比我哋。他朝一日，我哋就要承擔返傳承者嘅責任。而公子首個自家品牌設計—得閒飲茶Tote bag，正正想表達「唔同年代嘅人嘅連結同傳承」。 Tote bag用上本地街頭書法家李漢先生嘅手寫字體「李漢港楷」，展現「得閒飲茶」四字。李漢先生嘅字體曾廣泛出現於香港嘅街頭巷尾，唔知你哋有冇印象呢？呢個香港字體正正刻劃咗新一代人努力去傳承本土文化嘅故事。 不如認真出嚟飲個茶？ 其實你隨時都可以「得閒飲茶」，試下唔隨心講岀呢句，而真係搵日岀嚟「飲個茶食個包」？因為唔係永遠都有「下次」。同時亦想藉此提醒大家要珍惜當下，珍惜每一次連結；多啲關心身邊嘅每一個人，亦唔單止局限於同老一輩。 數量有限 整個Tote bag 喺香港印製，在此感謝印刷公司嘅專業，令到顏色同呎吋做到100%精準。坦白講，成本高昂，所以只係印咗少量，亦唔打算再加印。他朝喺街上面同人撞袋，絕對係緣份。到時大家可以打個招呼，講句「得閒飲茶」囉。 P.S. 此致一些曾經在公子生命中出現的「過客」，或許大家未必會再有交集，更或許你已經在遠處重新生活，但仍感激你們曾在我的生命中填上色彩。

你可能感興趣的商品